Matteu Tuitti nisciu l’asu e futtiu a tutti, Seggiu Mattaredda è u novu Prisidenti!
A Matteu avia na picca chi tutti u nciurianu Renzusconi, pi via du pattu cuSilviu Bellusconi, u buttaneri. Tutta a genti scummittia chi u prossimu presidentiEra Amatu, picchi’ u suriceddu, non pari , ma è un mastru di l’opra.Ma si così avissi statu pi M.T. era na medda. . A stuppici a bucca aFassina cu inciuriava da matina fina a sira. Pi nesciri di nta stubrogghiu s’appi applicari chi piddiu tantu sonnu, ma quannu aviapiddutu tutti i spiranzi, si dumoi a lampadina: l’eredi di Gioggi avia essiri un bonu cristianu, democristianu, non avi a essiri amicu diSilviu, avi aviri i capiddi ianchi e l’occhi azzurri, non avi a essiritantu rossu, picchì non ci avi a fari umbra. Mattaredda erapropriamenti l’asu di mazzi chi ciccava. M.T. nta quattru e quattruottu ciù comunicoi e soi: tutti u vaddaru a bucca apetta e subutu dopuci batteru i mani. I comunisti di Vendula, i scappati di Grillu, icadaveri di Montiani ci dissiru bravu, ristava di cunvinciri Alfanu,Ianciulinu Babbu, chi era gilusu du paisanu, ma, alla fini si ghigoipu scantu c’avia di peddiri a seggia du ministeru. Quantu a Bellusconis’appi a ghiuttiri u rospu e vutoi iancu, mentri Brunetta baiava FittuFittu. E Così Seggiu Mattaredda è u dudicesimu presidenti darepubblica. Sicilianu e Palemmitanu, studioi pi avvocatu, e fu purumagistratu. Quannu piro’ a Mafia ci mazzoi a so frati Petru Santupicchì non si vosi ghigari, si ittoi nta politica cu Prisidenti DeMita. Ghinu di raggia e di duluri scinniu a Palemmu e fici pulizia ntaDemocrazia Cristiana, chi era nfittata di Cosa Nostra. Nta stru mentiLeoluca Orlandu divintoi sinnucu da cita’. De Mita u fici puruMinistru, ma Seggiu all’ura di appruvari a leggi Mammi si dimittiu edissi : io non mi vinnu! Dopu cacchi annu fu di novu ministru cuBaffitti D’alema e mannoi l’aerei a bomabardari i Balcani, poi piròsi ni pintiu e livoi u suddatu. Cu dda gran testa fu capaci di farena leggi elettorale chi pigghioi u so nomi, chi era megghiu dupucceddum e di l’italicum centu voti.Nto so primu discussu nto pallamentu ci fici capiri di quali pasta èfattu , pasta di omu onestu e democraticu.
Donnantoni
I nostri vutazioni:
10 a Renzi sta vota fu bravu e nuddu ci po diri nenti.
0 a Grillu chi cuntinua a non capiri nenti e sta ristanu sulu cu du
pacciu di Casaleggiu.
S.V. a Bellusconi ,povarazzu sta rimbambinennu.
Nessun commento:
Posta un commento