Gioggi II si dimittiu, ommai sa facia in coddu
Napu litanu di nomi e di fattu, di professioni fici l'onorevoli ; fu puru Prisidenti da Cammira, Ministru da Pulizia e, all'uttimu Prisidenti da Repubblica e " Re d'Italia". 'Nta politica fu comunista, amicu di Berlinguer e Amendola, poi s'avvicinoi a Craxi e leggiu leggiu, divintoi liberali e puru liberista . Era chi Russi e passoi chi Miricani. Diciunu chi quannu era carusittu era fascisteddu, così fici destra, sinistra e ritonnu. 'Nta so vita ni fici di cotti e di crudi, chiussai crudi chi cotti. Ancora di poviri cristi dill'immigrati clandistini u iastimunu pi comu venunu trattati 'nte centri d'accuglienza chi mintiu iddu cu da cosa fitusa da Turcu. Na vota, a diri u veru, mentri era Prisidenti da Repubblica, un miraculu u fici; si mintiu di traversu a Bellusconi e u Papa e non fimmoi u decretu pi Eluana; u Diavulu e l'Acqua Santa saviunu misu daccoddu pi teniri in vita da povira carusa chi di tant'anni non vidia, non sintia, non pinsava, non si muvia. E quannu nominoi a Monti capu du Govennu? Ancora l'italiani ci mannunu malanova pi
quanti padri di fammigghia fici cinciari du spissatu di bancheri. 'Nto dumila e tridici i so sett'anni di Prisidenti aviunu a finiri, ma non pi unu chi avia studiatu nte Putii Oscuru du Pattitu! Fici a scena chi non ni vulia sapiri chiù, ma dopu chi
traderu a Prodi, prima si fici priari e poi nchianoi supra a seggia cchiu iauta come Gioggi II. Tuttu filava lisciu comu l'ogghiu, Matteu Renzi, nciuria Tuitti, divintoi capu du Govennu, u buttaneri Silviu si facia i cazzi so e a bacca annava. Ma Gioggi, chi era gia' nunnavu cumincio' a aviri cacchi problema. Appena a matina liggia i giunnali, comu vidia na brutta notizia pi Matteu Tuitti, i so budedda si lintaunu e pr...pr...pr.... , si nchiappava i mutanni. Ogni iornu chi passava i so condizioni peggioravunu; non c'era incontru ufficiali chi iddu non si cacava in coddu e a puzza non si nannnava mancu cu megghiu deodoranti.
Pi chiudiri a puntetta succidiu un casu internazionali. Michilina, a mugghieri di Obama , pinsannu chi Napulitanu annava a Parigi nta manifestazioni contru i delinquenti chi ficiru a stragi di Ciarli', ci dissi a so maritu di non annari chi
da puzza non si putia supputtari. Napulitanu all'uttimu non ci annoi, ma mancu Obama, na gran mala figura pi Miricani, chi appunu a mannari a Kerry a Parigi mi si scusa chi Francisi.
A Cliu, a mugghieri di Gioggi ci uscioi u sticchiu e non ni potti
cchiu'. Ci dissi: dimettiti e non ci voli iautru! Ommai semu nta medda!
Donnantoni
I nostri vutazioni :
0- a Giulianu Ferrara Quannu u califfu ALI' Baba' u visti nta
televisioni chi parrava chi s'avia fari na guerra di religioni dissi:
Minchia ci semu!
10 o giunnali francisi Liberazioni chi nta prima pagina offinniu a
tutti, pi fari capiri e musulmani chi i disegni di Ciarli' non erunu
sulu contra a iddi ma pi tutti i fanatici du munnu e chi, inveci, a
libbitta' è na cosa sacra.
Nessun commento:
Posta un commento